Ani – No
Ohaiva’ekue: David Galeano Olivera
Ani / No
Ani ndepochy
No te enojes
Ani reñemyrõ
No odies
Ani ndepy’aro
No seas rencoroso
Ani reñe’ẽngai
No maldigas
Ani reporomboyke
No discrimines
Ani reporoja’o
No ofendas
Ani reñe’ẽrei
No calumnies
Ani reporomoherakuãvai
No difames
Ani rejahéi nde rapicháre
No injuries a tu prójimo
Ani reporomotĩ avavépe
No avergüences a nadie
Ani reñembohory avavére
No te burles de nadie
Ani reñorairõ
No pelees
Ipahápe, ani neñaña
En fín, no seas malo
Pochy, ñemyrõ, py’aro, ñe’ẽngai, ñemboyke, ja’o, ñe’ẽrei, moherakuãvai, jahéi, motĩ, ñembohory ha ñaña niko naiporãi, ñanembohasy ha ñanemomarã yvyporaháicha.
El enojo, el odio, el rencor, la maldición, la discriminación, la ofensa, la calumnia, la difamación, la injuria, el avergonzar, la burla y la maldad no son buenos, enferman y nos degradan como seres humanos.
Opaite umi ANI oguereko peteĩ pohã año ha’éva… mborayhu
Todos esos NO tienen un único remedio que es… el amor
Mborayhu niko tesãi
El amor es salud
Mborayhu niko arandu
El amor es sabiduría
Mborayhu niko vy’apavẽ
El amor es felicidad
Mborayhu niko py’aguapy
El amor es paz
Mborayhu niko ñyrõ
El amor es perdón
Mborayhu niko temira’ãrõ
El amor es esperanza
Mborayhu niko tesape
El amor es luz
Mborayhu niko pu’aka
El amor es fuerza
Mborayhu niko tekokatu
El amor es plenitud
Mborayhu niko tekove
El amor es vida
Mborayhu niko NDE
El amor eres TÚ
Upévare, eme’ẽ mborayhu opavavépe
Por eso, da amor a todos
Mborayhu ha’égui Tupã, Ñande Ru, pytu
Porque el amor es el espíritu de Dios
David Galeano Olivera
David Abdón Galeano Olivera heñói 18 jasykõi 1961-me Paraguaýpe. Ha’e niko ñe’ẽkuaahára, avakuaahára, ñe’ẽymakuaahára ha mbo’ehára.
Oñemoarandu mbo’ehao Gral. Bernardino Caballero, Paraguaýpe ha omohu’ã 1979-pe. Imbo’esyry Guarani Mbo’ekuaahararã ojapo Universidad Nacional de Asunción-pe 1985-pe, ha upéi oñemoaranduve ã mba’épe: Guarani Ñe’ẽkuaaty ha Ñe’ẽ’ymakuaa (1998 ha 1999), Tembikuaareka Taperekokuaa (2000), Mbo’ekuaakatu Mbo’ehaovusupegua (1994 ha 1995), Ñe’ẽkuaaty (1987). Avei ojapo mbo’esyry Universidad Católica Nuestra Sra. de la Asunción, Avakuaaty (1988). Avei ojapo mbo’esyry ambue tetãme Tekokuaa ha Avakuaaty rehegua (1991).
David Galeano Olivera ningo Ateneo de Lengua y Cultura Guaraní moñepyrũhare 1985-pe ha upe guive imyakãhára. Karai Galeano guarani ñe’ẽ ha reko rehe omba’apo meméva, omyasãi meméva paraguái reko. Omyakã heta tembiapo taha’e ñomongeta guasu, amandaje, vy’aguasu, mbo’esyry guarani rehehápe Paraguáipe. Oĩ heta atyhápe UNA-pe ha avei omba’apo tembiapo rehe mburuvichakuéra ndive. David Galeano Olivera ohai heta aranduka guarani ha paraguái reko rehe. Upéicha avei oñembojopói chupe hembiapóre ñane retãme ha okape.
Oñeguenohẽ ko’águi: https://gn.wikipedia.org/wiki/David_Abd%C3%B3n_Galeano_Olivera
Designed by Freepik
Designed by Freepik