Kuarahy’ã

Moranguete:

Hẽe, aguataramojepe upe tekoha kuarahy’ãme. (Salmo de David, XXIII)

Peẽ pemoñe’ẽva peime gueteri oikovéva apytépe; chékatu, pe ohaíva, oiméne ymáma aike umi kuarahy’ã poguýpe. Upéicha añetehápe oikotahína heta mba’e, ha ojekuaáta heta mba’eñemi, Ha, ohasava’erã heta arysa yvypóra oikuaa mboyve ko haipyre. Ha, ohechavove, oĩta ojerovia’ỹva hese, ha ambue ipy’amokõine, katu pokãmi ojuhúne hese tekokuaa oñamindu’u hag̃ua umi tekotee ko’ápe oñemboguapýva kuarepoti rekópe rovake.

Pe ary ha’era’e peteĩ ary kyhyjevai ha mba’e’andu imbaretevéva kyhyjeva’igui, ndaikatúiva oñembohéra ko yvy ape ári. Ojehúraka’e hetaite mba’e hechapyrã ha ijojaha’ỹva, ha amo mombyry ha opaite hendápe, para ári ha yvýpe, oguararáva pe tye hũ vaiete pepo. Umi tapicha ojekóva mbyja tembikuaatýrepe, pe yvága ohechaukáva peteĩ mba’evaipavẽ ape; ha chéve, pe Grecia-ygua Oinos, ambue apytépe, ha’e pe og̃uahẽmava’ekue ñombojupyrúpe upe ary 794 reheguápe, upévape, oikévo Aries, Mbyjajere Júpiter opyta juajúpe pe Saturno kuairũ pytã kyhyjeha ndive. Ndajavyguasúiramo, pe yvága angapytu poravopyre ndaha’éi ku oñeñandukáva yvy apérente, katu umi angapýpe, temimo’ãrei ha avaitereko ñeñamindu’úpe.

Peteĩ táva ypytũ oñehenóiva Ptolemáis-pe, peteĩ ogaveraguasúpe, roimembaroína peteĩ pyhare pokõi orereheguáva kaguy pytã Chíos-guiguare ryru renondépe. Ha ndaipóriva’ekue ambue jeikeha roimehápe pe okẽ yvate itajungy rire; ha upe okẽ ha’ehína omboykuva’ekue temiporãhára Corinnos, ha, ijejapo ambuéva rupi, hokẽñembotýva hyepýguio. Upe koty ypytũme, ovetã mo’ãha húva omomombyry orehegui pe jasy, umi mbyja veramimi ha tapekuéra ha’eñomíva; katu pe temimo’ã ha mba’evaíregua mandu’a ndaikatúi oñemboykévo. Roimeroínara’e mba’ekuéra romyesakãkuaa’ỹva peteĩteĩ apytépe; mba’ekuéra mba’eteguáva ha angapytuguáva, pe arapytu pohýi, peteĩ py’ajuka ñeñandu, tembipotarei; ha, opaite mba’ére, peteĩ tekoreko mbarete jeikovére ohupytýva tekovekuéra ipochyetéva umi teko’andu oikovete ha opáy jave, umi katupy okevy’aja. Peteĩ te’õngue pohýi  oremomongueráiva. Ho’ájepi oreretére, umi tembipururenda, kaguakuéra roy’uhámijepi; opaite mba’e ojeréva orerehe ikangypa ha oñapymíva, opaite mba’e katu pe mba’erendy umi pokõi tesapeha kuarepotiguigua ohesapéva oremba’epotaite nahániri. Ojeupíva yvate ha omimbíva tesape, okáinte ohóvo, ikangypa ha oku’eve’ỹva; ha pe itangecha aripaka apu’a ébano-guiguápe roguapyhápe  ojekuaáva omimbirei, peteĩteĩ ohecháva hova ra’ãnga ikangypamíva ha opyta’ỹva tatarendy umi irũnguéra ñema’ẽ kangypápe. Ha, upéicharõjepe, ropukámiva ha rovy’áva orekatuháicha -pochykue reheve- ha ropurahéimiva Anacreónte purahéi -tavyrai pa’ũme, ha romokõva tuichaichave, pe kaguy pytãuvai oremomandu’áramojepe tuguýre. Upe kotýpe oĩ rupi ambue orendivegua pe mitãrusu Zoilo rekovépe. Omanombyre ha ojejokuapáva ojepyso puku upépe, tekoporã ha moñái jehecharãme. Ái, ndoikéingo ha’e orevy’ape! Katu pe hováre, omymyimbáva umi mba’evai, ha umi hesa pe ñemano omboty’imínteva chugui mba’evai ratarendy, ha’ete ku ojepy’ara’ãva orevy’a rehe, ku umi omanóva ojepy’apyramoguáicha vy’a omanótava rehe. Upeicharõjepe che, Oinos, añandúva pe omanóva resa omaña’atãha cherehe, che jopýva ani hag̃ua añandu pe vy’a’ỹvai oñandukáva, ha ajesareko’aja pukukue upe itangecha évano-guigua rehe, apurahéi hatã ha pararãme umi Teos ray purahéi.

Sa’i sa’ípe, upeicharõjepe, chepuraheikuéra okirirĩ ohóvo ha umi hyapu, okañy mbeguekatu umi koty rovetãmo’ãha kyhyjeha apytépe, ikangypaite noñehenduvéi peve ha oguepaite. Ha katu ko’ápe umi kyhyjeha ovetãmo’ãha, okañyhápe purahéi ryapukuéragui, ojepoi peteĩ hypy’ũva kuarahy’ã, peteĩ kuarahy’ã umi jasy, ikarapeterõguaichagua, ikatúva ñaguenohẽ peteĩ ava retégui; katu kóva ndaha’éi peteĩ ava kuarahy’ã térã Tupã, térã peteĩva mba’e ñemoñamgagua. Ha, upéi oryryipa rire sapy’aite, umi osãingóva pe koty pa’ũme, opyta, sapy’a, ojekuaaporã hag̃uáme pe okẽ itajungy ári. Katu pe kuarahy’ã kangymi ha ndojojái, ndojekuaaporãi, ha ndaha’éi peteĩ ava térã Tupã kuarahy’ã, ndaha’éi Grecia-ygua Tupã, térã Caldea, térã egipcio. Ha pe kuarahy’ã opytasapy’a pe itajungy jeikehápe, pe okẽ yvyrape guýpe, ha oku’e’ỹre, he’i’ỹre peteĩ ñe’ẽ, opyta oku’e’ỹetére. Ha pe okẽ oĩhague kuarahy’ã, chemandu’aporãrõ, ojupíra’e pe mitãrusu Zoilo ojejokuapáva pýre. Katu ore, pokõive upépe roñembyatýva, rohechávo pe kuarahy’ã oho pe sãingopýgui, ndorojesarekopái hese, katu roma’ẽ yvýre ha roma’ẽ atã pe itangecha ébano-guigua ryepýre. Ha ipahápe che, Oinos, añe’ẽvo mbeguekatuete, aporandu pe kuarahy’ãme mba’éichapa héra ha moõpa opytáta. Ha pe kuarahy’ã ombohováikuri: “Che ha’e KUARAHY’Ã, ha cherekoha opyta Ptolomáis itakua ykére, ha Clíseo yvyjoja ypytũ ypýpe, ombojeréva tekohaky’a Caronte rape”.

Ha upémarõ pokõivéva ropu’ã kyhyjepópe ha ropytákuri ryryihápe roñembo’y, py’atytýipe, kangypa reheve; upe kuarahy’ã ñe’ẽ ryapu ndaha’éigui tyapu peteĩ tekoveguiguánte, katu peteĩ tekove atyetágui, ha, hyapu juavýva peteĩ ñe’ẽpehẽgui ambuépe, oikéva pytũnbýpe ore apysápe muanduhe ñemoñanga rekópe ha ikueráiva mandu’águi hetaiterei angirũ omanova’ekuére.

Sombra

(Traducción de Julio Cortázar)

Parábola:

Sí, aunque marcho por el valle de la Sombra. (Salmo de David, XXIII)

Vosotros los que leéis aún estáis entre los vivos; pero yo, el que escribe, habré entrado hace mucho en la región de las sombras. Pues en verdad ocurrirán muchas cosas, y se sabrán cosas secretas, y pasarán muchos siglos antes de que los hombres vean este escrito. Y, cuando lo hayan visto, habrá quienes no crean en él, y otros dudarán, mas unos pocos habrá que encuentren razones para meditar frente a los caracteres aquí grabados con un estilo de hierro.

El año había sido un año de terror y de sentimientos más intensos que el terror, para los cuales no hay nombre sobre la tierra. Pues habían ocurrido muchos prodigios y señales, y a lo lejos y en todas partes, sobre el mar y la tierra, se cernían las negras alas de la peste. Para aquellos versados en la ciencia de las estrellas, los cielos revelaban una faz siniestra; y para mí, el griego Oinos, entre otros, era evidente que ya había llegado la alternación de aquel año 794, en el cual, a la entrada de Aries, el planeta Júpiter queda en conjunción con el anillo rojo del terrible Saturno. Si mucho no me equivoco, el especial espíritu del cielo no sólo se manifestaba en el globo físico de la tierra, sino en las almas, en la imaginación y en las meditaciones de la humanidad.

En una sombría ciudad llamada Ptolemáis, en un noble palacio, nos hallábamos una noche siete de nosotros frente a los frascos del rojo vino de Chíos. Y no había otra entrada a nuestra cámara que una alta puerta de bronce; y aquella puerta había sido fundida por el artesano Corinnos, y, por ser de raro mérito, se la aseguraba desde dentro. En el sombrío aposento, negras colgaduras alejaban de nuestra vista la luna, las cárdenas estrellas y las desiertas calles; pero el presagio y el recuerdo del Mal no podían ser excluidos. Estábamos rodeados por cosas que no logro explicar distintamente; cosas materiales y espirituales, la pesadez de la atmósfera, un sentimiento de sofocación, de ansiedad; y por, sobre todo, ese terrible estado de la existencia que alcanzan los seres nerviosos cuando los sentidos están agudamente vivos y despiertos, mientras las facultades yacen amodorradas. Un peso muerto nos agobiaba. Caía sobre los cuerpos, los muebles, los vasos en que bebíamos; todo lo que nos rodeaba cedía a la depresión y se hundía; todo menos las llamas de las siete lámparas de hierro que iluminaban nuestra orgía. Alzándose en altas y esbeltas líneas de luz, continuaban ardiendo, pálidas e inmóviles; y en el espejo que su brillo engendraba en la redonda mesa de ébano a la cual nos sentábamos, cada uno veía la palidez de su propio rostro y el inquieto resplandor en las abatidas miradas de sus compañeros. Y, sin embargo, reíamos y nos alegrábamos a nuestro modo —lleno de histeria—, y cantábamos las canciones de Anacreonte —llenas de locura—, y bebíamos copiosamente, aunque el purpúreo vino nos recordaba la sangre. Porque en aquella cámara había otro de nosotros en la persona del joven Zoilo. Muerto y amortajado yacía tendido cuan largo era, genio y demonio de la escena. ¡Ay, no participaba de nuestro regocijo! Pero su rostro, convulsionado por la plaga, y sus ojos, donde la muerte sólo había apagado a medias el fuego de la pestilencia, parecían interesarse en nuestra alegría, como quizá los muertos se interesan en la alegría de los que van a morir. Mas aunque yo, Oinos, sentía que los ojos del muerto estaban fijos en mí, me obligaba a no percibir la amargura de su expresión, y mientras contemplaba fijamente las profundidades del espejo de ébano, cantaba en voz alta y sonora las canciones del hijo de Teos.

Poco a poco, sin embargo, mis canciones fueron callando y sus ecos, perdiéndose entre las tenebrosas colgaduras de la cámara, se debilitaron hasta volverse inaudibles y se apagaron del todo. Y he aquí que de aquellas tenebrosas colgaduras, donde se perdían los sonidos de la canción, se desprendió una profunda e indefinida sombra, una sombra como la que la luna, cuando está baja, podría extraer del cuerpo de un hombre; pero ésta no era la sombra de un hombre o de un dios, ni de ninguna cosa familiar. Y, después de temblar un instante, entre las colgaduras del aposento, quedó, por fin, a plena vista sobre la superficie de la puerta de bronce. Mas la sombra era vaga e informe, indefinida, y no era la sombra de un hombre o de un dios, ni un dios de Grecia, ni un dios de Caldea, ni un dios egipcio. Y la sombra se detuvo en la entrada de bronce, bajo el arco del entablamento de la puerta, y sin moverse, sin decir una palabra, permaneció inmóvil. Y la puerta donde estaba la sombra, si recuerdo bien, se alzaba frente a los pies del joven Zoilo amortajado. Mas nosotros, los siete allí congregados, al ver cómo la sombra avanzaba desde las colgaduras, no nos atrevimos a contemplarla de lleno, sino que bajamos los ojos y miramos fijamente las profundidades del espejo de ébano. Y al final yo, Oinos, hablando en voz muy baja, pregunté a la sombra cuál era su morada y su nombre. Y la sombra contestó: «Yo soy SOMBRA, y mi morada está al lado de las catacumbas de Ptolemáis, y cerca de las oscuras planicies de Clíseo, que bordean el impuro canal de Caronte.»

Y entonces los siete nos levantamos llenos de horror y permanecimos de pie temblando, estremecidos, pálidos; porque el tono de la voz de la sombra no era el tono de un solo ser, sino el de una multitud de seres, y, variando en sus cadencias de una sílaba a otra, penetraba oscuramente en nuestros oídos con los acentos familiares y harto recordados de mil y mil amigos muertos.