Tavyrai og̃uahẽva parágui
Ohaiva’ekue: H.P. Lovecraft, Omoguaraniva’ekue: Virgilio Cortaza
(aranduka “Cthulhu Ajengatu” vore mbohapyha)
Tavyrai og̃uahẽva parágui
Ohaiva’ekue: H.P. Lovecraft, Omoguaraniva’ekue: Virgilio Cortaza
(aranduka “Cthulhu Ajengatu” vore mbohapyha)
Ág̃akatu yvága che pytyvõse, ajeruresemínte chupe omboguepaite che akãgui opa umi mba’e oikova’ekue ha oñepyrũva’ekue upe jave, peichahái reínte, ajesarekoramoguare peteĩ kuatiáre ojeipurúva’ekue oñembojaho’i hag̃ua peteĩ porugapy. Hasýko ajuhu hag̃ua ko’ã mba’e che rembiapo apytépe, ha’ehaguére peteĩ kuatiahaipyre tuja’i Australia-ygua, pe Sidney Bulletin ha’e 18 jasyrundy 1925-guare. Ojehasáva’ekue jepe umi omba’apóva voi ñembyatýpe kuatiahaipyre pehẽ, ha ha’etépe voi pe osẽramoguare ko kuatiapare, ha’ekuéra ombyaty rory oimeraẽ mba’e che tio oikotevẽva ikuaaha’ãmeguarã.
Are’íma ahejarei pe che kuaaha’ã umi mba’e rehegua mbo’ehára Angell ohenóiva’ekue “Cthulhu ajengatu”, ha péichante aha ahecha peteĩ angirũ arekóva Paterson, Nueva Jersey-pe, karai angatupyry ojehecharamoitéva omba’apohaguére museo jesarekópe, avei ha’e ikatupyry itakuaatýpe. Peteĩ ára, ajesareko aja itáre orekóva’ekue, vaivai oñeñongatúva’ekue oñeñongatuhápe voi muséo-pe, che resahomi peteĩ ta’ãngáre osẽva peteĩ kuatiahaipyrépe tuja’íva isarambíva itakuéra guýpe. Ha’ehagueichaite ha’e pe Sidney Bulletin, che angirũ oikuaahaguére heta yvypóra ñande yvy ape arigua, ha pe ta’ãnga sa’yjunungávape ojekuaa peteĩ itara’ãnga ojoguaitereimíva ambue ta’ãnga itagui avei ojejapova’ekue ha tahachi Legrasse ojuhu ha ohechaukava’ekue chéve ymave.
Aipe’arõ umi ita porã porã oĩva hi’ári amoñe’ẽ porã ojehaiva’ekue upe kuatiahaipyre roguépe, ág̃akatu chepy’andýi rei ahechávo mbykymihaguére. Jepe katu pe he’íva pe kuatia pa’ũme ha’e tuichaiterei mba’e pe che kuaaha’ãme g̃uarã are riréma ajapóva ha oñepyrũma akue opyta rei chehegui. Pe kuatiaparépe, mbeguekatumi anohẽ va’ekue, he’i:
YGARATA HERUGUÃVA OJEHEJAREIVA’EKUE OJEJUHU PARÁPE.
Ygarata Vigilant og̃uahẽ ygarupápe
oitirávo heseve ambue ygarata Nueva Zelanda-pegua.
Peteĩ ava oikovéva ha peteĩ omanómava ojejuhu ipype.
Tuicha ñorairõ ha ñemano parápe.
Ygatára oikovéva mba’evéicharõ nomombe’uséi mba’épa oikova’ekue.
Ipópe ojejuhu ta’ãnga itápe ojepova’ekue.
Kuaaha’ã oikova’ekue rehe oñemboguata gueteri.
Carguero Vigilant naviera Morrison mba’éva osẽva’ekue Valparaíso-gui, oñemboja ko pyhareve Darling Harbour ygarupápe, heseve oitira ygakate ytimbópe oikóva Dunedin (Nueva Zelanda)-pegua hérava Alert ha ipype heta imbokáva. Upe ygakate ojehechasapy’a 12 de jasyrundy a 34º 21’ de latitud sur ha 152º 17’ de longitud oeste-pe ha ipype ojejuhu peteĩ ava oikovéva ha peteĩ omanómava.
Ygarata Vigilant osẽva’ekue Valparaíso-gui pe 25 jasyapy, ha pe 2 jasyrundy ombojoavy tuicha’imi pe hape ñemby gotyo, oĩgui yvytuvai ha y apenu tuichaháicha henondépe. Pe 12 jasyrundy ojehecha’akue ygarata oikoreíva. Oñeimo’ãramojepe inandiha, ojejupi vove ipype ojejuhu peteĩ yvypóra añoite oikovéva gueteri ha itavynungáva, ha peicha avei ambue karai oiméne peteĩ semana rasamíma omanomahague.
Oikovéva hatã ojopy ijehe ta’ãnga’i itápe ojejapova’ekue oiméne 30 cm. ituicháva ha avave ndoikuaai moõguipa osẽ, ha moõguapa péva, umi ikatupyryvéva Sidney Mbo’ehaovusupegua, aty Royal Society-ygua, ha Museo College Street-ygua, he’i porã ndoikuaaiha mba’eve. Oikovéva gueteri he’i otopahague ygarata kotýpe, peteĩ mba’yru’ipe vaivaínte ojejapo va’ekue.
Ko karai, opáy riremínte, omombe’u mba’e hasy’íva jajerovia hag̃ua, ñemonda ha ha jejukaguasu rehegua. Ha’e ningo Gustaf Johansen, Noruega-ygua oñembo’e’imiva’ekue, segundo de a bordo pe goleta Emma de Auckland, ygarata osẽva’ekue El Callao-gui pe 20 jasykõime oguerahápe pateĩ kuimba’e.
Pe Emma, omombe’uhaguéicha pe karai, osẽ hi’aravo rire, ha opia hape ñemby gotyo yvytuvai káusare oipejúva’ekue pe 1 jasyapy, ha pe 22 ramo guare ojehechasapy’a Ygarata Alert-pe 49º 51’ de latitud sur ha 128º34’ longitud oeste-pe, oguerahahápe karaikuéra ipinta’ietéva ojekuaáva iñarõha ijapytépe oĩ Kanako ha huguyjehe’áva. Oje’eramoguare chupekuéra ojerejey hag̃ua, karai Collins, ygarata myakãha he’i nahániri; ha upepete umi kuimba’ekuéra oñepyrũ ombokapupaite hi’arikuéra, ñarõ púpe ha he’i mboyve’ỹme mba’eve, ombokapu avei mboka tuichavéva ha cañón orekóva’ekue.
Omombe’uhaguéicha karai oikovéva, kuimba’ekuéra Emma-ygua oñorairõ avei ramojepe ygarata oñepyrũ oike chupe y ñembokapuhaguére hese, ipu’akave ha ombojájepe ygarata ambue ygaratáre, péicha ikatu hag̃uáicha ojupi ipype, ha oñepyrũ ñorairõ kuimba’e ñarõ ndive ygarata ári. Ipahápe ojehechavai ha ojukapa manteva’erã kuimba’ekuérape, jepe hetave’íramo ha’ekuéra, jepe ilaja vai ha tavyrainunga oñorairõháicha hikuái.
Mbohapy kuimba’e Emma-ygua omanóra’e, umía apytépe capitán Collins ha i-primero de a bordo Green. Poapy hembýva, segundo de a bordo Johansen ndive akãme, oñemomba’e ygarata ipojáivare, oñembohapejey ohohaguáicha voínte ha oikuaa hag̃ua mba’érepa he’iva’ekue chupekuera ojereva’erãha. Ko’ẽ jeýme, ohupytýndaje hikuái peteĩ ypa’ũ’i oguejyhápe, jepéramo ndojekuaáiva’ekue oĩha upe ypa’ũ’i upe tenda gotyo. Poteĩ kuimba’e omano upépe, ha katu Johansen ojekuaa hese ha’eteicha ku nombe’useguasúi mba’épa oiko pe guive, jepe he’ínte omanombaha ho’a haguére ita yvatégui. Upéva rire, ojekuaaháicha, ha’e ha peteĩmi iñirũ hembýva og̃uahẽjey ygaratápe ha oñeha’ã omboguata hag̃ua, ág̃akatu ojehecha yvytuvai mbytetépe ára 2 jasyrundy oĩva’ekue. Kuimba’e sa’i imandu’a mba’épa oikopa upe ára guive ha pe 12 jasyrundy pa’ũme, ára oñepytyvõramoguare chupe, ha naimandu’ái araka’épa omano iñirũ William Briden. Kóva ñemano ndaikatúi oñemboja mba’eve ojekuaávare, ha oñeimo’ã taryrýi ha aravai katueterei ojukáneraka’e chupe.
Marandu og̃uahẽ Dunedin-gui he’ívo ygarata Alert ha’eha peteĩ mercante de cabotaje ojeikuaa porãva upérupi, ha ojeikuaa oĩva ipy’avai hesekuéra ygarata ñembojahápe. Ijarakuérako huguyjehe’áva aty’i osẽva py’yĩ ha pyharekue ka’aguy gotyo omonambipu’ã opavavévape. Kóva pya’eterei osẽva’ekue yvytuvai riremínte ha yvyryrýi oikova’ekue pe ára 1 jasyapy. Oremomarandúva Auckland-pe he’i ág̃a maymáva imandu’a porãha ygarata Emma ha kuimba’ekuéra pépe omba’apóvare ha Johansen-re he’i ha’eha arriéro py’aguapy ha katupyryha.
Almirantazgo ojapotahína kuaara’ã oikóvare oñepyrũtava ko’ẽrõite; pépe ojejapóta opa mba’e oñeikotevẽva ikatuhag̃uáicha Johansen oñe’ẽ porã ha omombe’upaite mba’épa oikova’ekue ko’ag̃aite peve.
Upe amoñe’ẽva’ekue ha hendive pe ita ra’ãnga kuatiápe niko ¡tuicha mba’e! ¡Ha mba’eichaitépa che akãme ou opa mba’e! Ápe ko mba’e neporãva oĩ chéve g̃uarã Cthulhu aty’i rehegua ha ojekuaa porã orekoha oipotavájepe parápe ha yvýpe. Mba’érepa oiméne umi kuimba’e huguyjehe’áva iñe’ẽ hatã Emma-yguápe ojerejey hag̃ua oguereko aja ha’ekuéra pe ta’ãnga’ita ipópe? Mávapara’e pe ypa’ũ omanohaguépe poteĩ kuimba’e Emma-ygua, ha Johansen noñe’ẽseiete hese? Mba’épa oiméne omyesakãve kuaara’ã omoñepyrũva’ekue Almirantazgo ha mba’épa oimene ojeikuaavoiraka’e Dunedin-pe upe aty’i aña rehe? Ha pe chemonambipu’ãvéva: mba’épa oiméne oreko ojoehe, umi ára ojapóva umi mba’e vai oikova’ekue hesakã ambue umi che tio ohaihaguére hesekuéra akate’ỹme?
La locura que llegó del mar
H.P. Lovecraft
(Del libro: “La llamada de Cthulu”, capítulo III)
Si los cielos quisieran concederme alguna vez un favor, pediría que borrasen para siempre las consecuencias que derivaron de aquella ocasión en que, de forma casual, fijé la mirada en un trozo suelto de papel que había sido usado para cubrir un estante. Era difícil que hubiera tropezado en mi rutina cotidiana con algo así, ya que no era sino un viejo ejemplar de un periódico australiano, el Sidney Bulletin del 18 de Abril de 1925. Había escapado incluso a la atención de la agencia de recortes de prensa que, justo en la fecha de publicación de este, andaba recopilando ávidamente material para la investigación de mi tío.
Hacía tiempo que había abandonado mis pesquisas acerca de lo que el profesor Angell llamaba “Culto de Cthulhu”, y me encontraba visitando a un amigo que tenía en Paterson, Nueva Jersey, hombre culto que ostentaba el cargo de conservador del museo local, además de ser un mineralogista de renombre. Un día, examinando las muestras de reserva, torpemente almacenadas en los estantes de una habitación en el almacén del museo, mi atención fue captada por una extraña fotografía que aparecía en uno de los viejos periódicos desplegados bajo las piedras. Tal y como he dicho era el Sidney Bulletin, pues mi amigo conocía a gente en todas partes, y la foto en cuestión era un grabado en sepia de una horrible imagen de piedra idéntica a la que Legrasse había encontrado en el pantano.
Leí el artículo en detalle tras quitar impacientemente de encima de la hoja las preciosas piezas que la cubrían, pero quedé algo decepcionado al ver que su extensión era algo reducida. Sin embargo, lo que sugería era algo de trascendental importancia para la búsqueda que había mantenido y que comenzaba por aquel entonces a languidecer. El artículo, que arranqué cuidadosamente, decía lo siguiente:
MISTERIOSO BARCO ABANDONADO HALLADO EN ALTA MAR
Llegada a remolque del Vigilant de un yate neozelandés armado y desaparejado.
Un superviviente y un muerto hallados a bordo.
Desesperada lucha y muertes en alta mar.
Marinero rescatado se niega a dar detalles sobre extraña experiencia.
Encontrado en posesión de extraño ídolo.
Prosiguen las investigaciones.
El carguero Vigilant de la naviera Morrison, procedente de Valparaíso, atracó esta mañana en el muelle de Darling Harbour, remolcando al desaparejado y averiado, si bien fuertemente armado, yate de vapor Alert de Dunedin (Nueva Zelanda), que fue avistado el 12 de Abril a 34º21’ de latitud sur y 152º17’ de longitud oeste, llevando a bordo un superviviente y un muerto.
El Vigilant zarpó de Valparaíso el 25 de Marzo, y el 2 de Abril se desvió su rumbo considerablemente hacia el sur, debido a la fortísima tormenta y las enormes olas. El 12 de Abril fue avistado el barco a la deriva. Aunque en apariencia estaba desierto, al abordarlo fue hallado el único superviviente en unas condiciones cercanas al delirio, así como otro hombre que llevaba muerto claramente más de una semana.
El superviviente estaba aferrado a un horrible ídolo de piedra de unos 30 centímetros de altura y de origen desconocido, acerca de cuya naturaleza las autoridades de la Universidad de Sidney, la Royal Society, y el Museo de College Street, se muestran completamente desconcertadas. El superviviente dice haberla encontrado en el camarote del yate, en el interior de un pequeño relicario de ordinaria talla.
Este hombre, tras recobrar el sentido, relató una extraña historia acerca de piratería y una sangrienta masacre. Se trata de Gustaf Johansen, noruego de cierta educación, segundo de a bordo de la goleta Emma de Auckland, que zarpó de El Callao el 20 de Febrero con once hombres.
El Emma, según cuenta, se vio retrasado, y desviado de su rumbo hacia el sur, por culpa de la gran tempestad del 1 de Marzo, y el 22 del mismo avistó al Alert a 49º51’ de latitud sur y 128º34’ longitud oeste, llevado por una extraña tripulación de feroz aspecto formada por canacos y mestizos. Al ordenársele de forma perentoria que diera media vuelta, el capitán Collins se negó; momento en que la extraña tripulación comenzó a abrir fuego sobre la goleta, salvajemente y sin aviso previo, con una batería pesada dotada de cañones de bronce que formaba parte de su armamento.
Según el superviviente, los hombres del Emma plantaron batalla y, aunque la goleta comenzó a hundirse debido a los disparos recibidos por debajo de la línea de flotación, fueron capaces de acercarla a la nave enemiga, para así abordarla, y lucharon con la salvaje tripulación sobre su misma cubierta. Al final se vieron forzados a matar a toda la tripulación enemiga, algo superior en número, por su detestable y desesperada, si bien torpe, manera de luchar.
Tres de los hombres del Emma resultaron muertos, incluyendo al capitán Collins y al primero de a bordo Green. Los ocho restantes, con el segundo de a bordo Johansen al mando, se pusieron al frente del yate capturado, retomando su rumbo original para averiguar cuál era la razón de haberles ordenado dar media vuelta.
Al día siguiente, según parece, alcanzaron una pequeña isla en la que desembarcaron, aunque no se sabe de la existencia de ninguna en aquella parte del océano. Seis de los tripulantes murieron en ella, aunque Johansen da muestras de reticencia al llegar a esta parte de la historia, y se limita a decir que cayeron por un precipicio rocoso.
Más tarde, según parece, él y el último de sus compañeros llegaron al yate y trataron de tripularlo, pero se vieron azotados por la tormenta del 2 de Abril.
El hombre recuerda poco de lo sucedido entre ese día y el 12 de Abril, en que tuvo lugar su rescate, y no recuerda cuándo murió William Briden, su compañero. La muerte de este no parece debida a ninguna causa visible, siendo la excitación y la exposición a los elementos las razones más probables.
Noticias llegadas por cable desde Dunedin informan de que el Alert es un mercante de cabotaje bien conocido allí, que además gozaba de una mala reputación en los muelles. Era propiedad de un curioso grupo de mestizos cuyos frecuentes encuentros y salidas nocturnas en dirección a los bosques atraían bastante la atención. Este se había hecho a la mar apresuradamente justo tras la tormenta y los temblores de tierra que tuvieron lugar el 1 de Marzo. Nuestro corresponsal en Auckland señala que tanto el Emma como su tripulación gozaban de una excelente reputación, y describe a Johansen como un hombre moderado y respetable.
El Almirantazgo va a realizar una investigación del asunto que dará comienzo mañana mismo; en ella se tomarán todas las medidas necesarias para persuadir a Johansen de que hable con mayor claridad de lo que ha hecho hasta ahora.
Esto, junto con la fotografía de la infernal estatua, era todo, ¡pero qué torrente de ideas comenzó a fluir en mi cabeza! Aquí había un nuevo tesoro de datos en torno al Culto de Cthulhu y una clara evidencia de que este tenía extraños intereses tanto en el mar como en tierra. ¿Qué motivo incitó a la tripulación mestiza a ordenar dar media vuelta al Emma mientras navegaba en posesión de aquel horrible ídolo? ¿Cuál era aquella desconocida isla sobre la que murieron seis de los tripulantes del Emma, y sobre la que el segundo Johansen se muestra tan reservado? ¿Qué fue lo que sacó a la luz la investigación ordenada por el Almirantazgo y qué es lo que se sabía en Dunedin acerca del maléfico culto? Y lo más sorprendente de todo, ¿cuál era la relación, tan profunda como natural, de aquellas fechas que hacían que tomaran una malévola e innegable significación los diversos cambios en el curso de los acontecimientos que tan minuciosamente había anotado mi tío?
H.P. Lovecraft
Howard Phillips Lovecraft heñói ára 20 jasypoapy 1890-pe Providencia (Rhode Island)-pe. Ha’éniko Haihára Estados Unidos-ygua ohaiva’ekue mombe’urã ha mombe’upyrusu gua’úva, oporomongyhyjéva ha mba’ekuaaty gua’u rehegua.
Imichĩete gueteri omano chugui itúva ha sy oñangarekoiterei hese, ndoipotái osẽ rei okápe ha upévare ohasa heta ára ogapýpe ha upekuévo omoñe’ẽ heta aranduka. Itamói omokyre’ỹ chupe omoñe’ẽ hag̃ua. Okakuaapa vove osẽjepi oguata pyharekuépe oñeñandúgui ha’eño. Hembiapokuéra oipy’apeju heta ambue yvypórape ohai hag̃ua opaichagua mombe’urã. Omano ára 15 jasyapy 1937-pe táva heñoihaguépe.
Virgilio Cortaza
Cheréra Virgilio Miguel Cortaza Insfrán. Chereñói 7 jasypa de 1987-pe táva San Lorenzo-pe ha aiko gueteri upépe. Amohu’ã che mbo’epy mbo’ehao Centro de Capacitación Técnica-pe añemoaranduhaguépe Construcciones Civiles-pe. Heta ary amba’apo óga apópe ha ajapo tembiapo heseguáva. Ko’ág̃a amohu’ãpotaite mbo’epy Angapykuaahararã mbo’ehaovusu Universidad Tecnológica Intercontinental-pe. Aime rei jave amoñe’ẽ heta aranduka.
Ary 2015 ha 2018 peve amba’apo atyvete hérava Iodi-pe ambohasahápe Guaraníme ta’ãnga’i osẽva TV Pública Paraguay-pe, umíva apytépe Lassie Rembiasakue (Las aventuras de Lassie) ha Peter Pan.
