Py’atutu

Gabriela ha Francisco Mbya Guaranigua, ndaheraka’aguyvéima, 6 térã 7 ary oguerekóne. Ivy’aha ningo Ka’a Poty, Ytakyry, Alto Parana, upépe isariki, oñehekombo’e, oñembo’e, iñirũnguéra ndive. Francisco oipytyvõ itúvape kokuépe, namombyrýi hógagui, sapy’ánte omarika hikuái ha iñe’ẽrendumíva, oje’émi hese. Ipo’i, ipirehũ, hesa tuicha, oñe’ẽ mbegue, ha’eténte oguerotĩva ha ombosa’yseterei opaichagua mymba ra’ãnga kuatiáre.

Katu Gabriela mitakuña’i porã, juky, iñakãrague puku ha ipo’imi, ipirevera, hãi morotĩ ha hesahũ. Oipytyvõjepi isýpe, oitypei, omongaru mymba omongakuaáva hogapýpe, sapy’amimi oho ombyaty itúva kokuepoty.

Gabriela ha Francisco oñembosaráijepi imbo’ehaópe, oga’i yvyraguigua, ijahojamínteva, oipeju térã oky jave opiáma itapỹime. Upépe oñehekombo’e oñondivepa, ndaipóri oñemboja’óva, mbo’ehára peteĩntevoi.

Pyhare pytũ voimi oñenóma ha kuarahy osẽ mboyve, ayvúpe oĩma ryguasu, kavara, vaka, jagua, mbarakaja, guyra oñeñandukáma ko’ẽmbotamaha. Péicha oiko vy’apo, saraki ha kyre’ỹme ára ñavõ Francisco ha Gabriela.

Peteĩ árape og̃uahẽ kuñakarai ha karai mba’yrumýi iporãva rehe, ohecha’ỹva ha’ekuéra hekohápe ha hendivekuéra parapara’i ha chavolái mboka ipópe. Francisco ha Gabriela ndoikuaái oikóva, oñemoha’eño mitãnguéra ha Francisco ohecha umi karai ipokatúva ombohasaha kuatia Lidereza Marta Díaz-pe, ha’ekuéra ombohéra chupe ijapytépe Ña Rubia. Gabriela ohendúma ojesapukái, oñe’ẽhatãva, ojeikovaímakatu. Pe kuatiápe oĩ yvy ndaha’éi imba’ekueraha ha ijára ndoipotavéima oiko upépe.

Oĩma mitãnguéra hasẽva, ayvu ha py’añemyaña ohechávare. Francisco ha Gabriela oñe’ẽ chupekuéra ani hag̃ua hasẽ ha upéi ohecháma katu tatarendy okakuaáva itapỹigui, oñemondýi, oñemboaturupa peteĩ hendápe ha túva ha sy oñeha’ã ombyatymi imba’erekomíva, jepéramo pe mba’erendy ojepyso imbo’ehao gotyo. Hekoha hendýma katu ha Francisco ha Gabriela ipy’atutu opyta upe guive.

Ambue pyharépe iko’ẽma Plaza de las Armas, Paraguaýpe, ha’ekuéra ndoikuaái moõpa iko’ẽ hogaygua ndive ha ijehe ijaomi peteĩ. Ndaisapatúi, ndaijao’akúi ha pe pyhare ro’yrasáma, ipy’akororõ ha hete rasypa okégui kapi’i ári. Mitãnguéra yvýpe oguapy ha omaña asy óga yvatére, ojeréva hesekuéra. Opa chuguikuéra guyra purahéi, jagua ha mbarakaja ñembosarái. Yva ñemono’õ. Ko’ág̃a chavolái ojerepa hesekuéra ára ha pyhare, aipo oñangareko hag̃ua hesekuéra.

Ohasa ára ha mbeguekatúpe ojekuaa hembiasa ha oipota oñeme’ẽ jey pe yvy oikoha. Umi paraguaygua oipytyvõ ha ombojopói chupekuéra. Gabriela, Francisco ha ambue mitãnguéra omomba’eve ñembosarairã, ombyesarái sapy’aitemi ipy’atutúigui.

Peteĩ ára Gabriela, ñembosaraihápe,  osapukái ha he’i: Noroñesũmo’ãi poguasukuéra renondépe ha Francisco ombojoapy: Roipota ore yvy. Opavave oĩva upépe ojepopete ha osapukaipa, upéi oúma chavolái omba’eporandu mávapa umi ndaha’éiva te’ýi oĩva ha ombokuatia ojejapóva upépe.

Hetaite arasyry rire ojekuaauka chupekuéra ojevy jeytaha hekohápe ha oĩhaguéicha ipy’ajerapa, Gabriela ha Francisco jurúpe okapu pukavy.

Kalofe

26/07/2021

Desesperación

Gabriela y Francisco de la Comunidad Mbya guaraní, apenas de 6 a 7 años. Oriundos de Ka’a Poty, Ytakyry, Alto Paraná, lugar de alegría, de juegos, de rezo y de educación con otros compañeros. Francisco brazo derecho de su padre en las labores de la chacra, próxima de la casa que viven, muchas veces acompaña a su padre en la casería, conocido por todos como, de poco hablar y obediente. Es delgado, moreno, de grandes ojos, suave al hablar y es tímido y su mayor entretenimiento es de pintar a animales de especies variadas.

Gabriela es una hermosa niña, simpática, de largos cabellos, de una piel canela y de dientes blancos y ojos negros. Es la encargada del barrido de la casa, alimentar a los animales domésticos. Algunas veces, va junto a su padre en la chacra, para la recolección de ciertos productos.

El centro de entretenimiento de Francisco y Gabriela es su escuela, construida con maderas del lugar y solo está techado, cuando el viento sopla fuerte o llueve, se refugian en sus casas. En el lugar estudian en pluri- grados, con una maestra para todos.

Apenas anochece y ya se acuestan y antes del alba, se levantan, con jolgorio. Antes de amanecer ya se hacen anunciar las gallinas, cabras, vacas, perros, gatos, pájaros. Así rodea la vida de Francisco y Gabriela, con alegría y entretenimientos, todos los días.

Un día, llegaron al lugar unos señores, en autos que jamás vieron en su comunidad, estos señores estaban acompañados de policías y de la montada, armados. Francisco y Gabriela no entendían lo que estaba sucediendo y fueron aislados con los otros niños, sin embargo, Francisco llegó a ver a los señores de traje y nutridos, pasar un papel a la lideresa Marta Díaz, conocida con el nombre de Ña Rubia. Gabriela llegó a oír gritos y entredichos, ya era inevitable la confrontación verbal. El papel decía que la tierra donde habitan no es de ellos y deberían desalojar inmediatamente.

Llantos de niños, griteríos y empujones a la vista de estos. Francisco y Gabriela trataban de tranquilizar a los otros niños, pero al ver que sus pequeñas viviendas, escuela y lugar de rezo eran incendiado, quedaron asustados e inmovilizados. Mientras los padres trataban a brazos partidos, juntar sus enseres, sin embargo, la cola de fuego era mayor y consumía la escuela y sus viviendas. Impotente Gabriela y Francisco y demás niños, se sintieron muy desesperados.

Después de la noche, a la mañana temprano ya se encontraron en la Plaza de Armas, en Asunción, ellos y sus padres tampoco conocían del lugar, tenían puestos la única ropa que le quedaron. Sin zapatos, abrigos, y esa primera noche el frío era la más baja en Asunción. Con hambre, sus estómagos rugían y con el cuerpo adolorido, amanecieron sobre el césped de la plaza. Los niños sentados en el suelo y con miradas profundas hacía el edificio que le rodean. Ya no escucharon el canto de los pájaros, el juego entre el gato y el perro, juntar las frutas… Estaban rodeados por policías, día y noche, como delincuentes.

Pasaron los días y lentamente la ciudadanía asuncena reaccionaron positivamente a sus reclamos y necesidades. La iniciativa ciudadana por la solidaridad se hizo sentir en alimentos, ropas, juguetes y entretenimientos, para aliviar por momento la desesperanza, que sentían los niños.

Después de pasar días de presión, Gabriela en medio del juego, grita y dice: “No nos arrodillaremos antes los poderosos” y Francisco replicó: “Queremos nuestras tierras.” Todos los presentes aplaudieron y al unísono gritaron: “Queremos nuestras tierras”. Apenas se escuchó el griterío se aproximaron la policía para anotar a los visitantes que no forman parte de la comunidad.

Un día llegó la noticia de que la tierra será restituidas a los nativos, Gabriela y Francisco y demás niños, se alegraron por el anuncio y la sonrisa era inevitable en sus rostros.

 Kalofe

26/07/2021